Вынікі 2017
Аргкамітэт конкурсу праектнай фатаграфіі ПРАФОТА рады абвясціць шорт-ліст і гран-пры фатаграфічнай прэміі 2017.
  • Сяргей Балай, «Быць сувораўцам»
  • Аляксандр Васюковіч, «Фота на памяць» *Гран-пры
  • Дзяніс Галавей, «Атамны век»
  • Сяргей Лескець, «Шэпт»
  • Дзмітрый Новікаў, «Зацемкі пешахода»
  • Аляксандра Салдатава, «Тэстастэрон»
  • Максім Сарычаў, «404: Not Found»
  • Сяргей Канаплянік, «Паміж ценяў»
  • Аляксандр Міхалковіч, «Арт Акбар!»
  • Аляксей Навумчык, «Зыбіцкая»
  • Леся Пчолка, «Мяне тут няма»
  • Вольга Савіч, «Алфавіт вайны» *Гран-пры
  • Максім Сарычаў, «Сляпая зона»
  • Аляксей Шлык, «Пацеркі з яблычных костачак»
Лонг-ліст:
  • Уладзь Грыдзін, «Апошнія піянеры»
  • Дзіна Даніловіч, «Да»
  • Аляксандр Каленік, «Клаўстрафобія»
  • Стас Марын, «Рэйд»
  • Стас Марын, «Легіён»
  • Ганна Мурайда, «Нашы агульныя незнаёмыя»
  • Аляксандра Салдатава, «Падвойнае пераламленне»
  • Аркадзь Собалеў, «Дыстанцыя»
  • Таццяна Ткачова, «Маластоўка»
  • Юлія Шаблоўская, «Натуральнае асяроддзе»
  • Аляксандр Веледзімовіч, «Алексіяда»
  • Алена Кахановіч, «Бабулін дом»
  • Ганна Мурайда, «Хвалі памяці: мая польская сям'я»
  • LĒD, «Набыты рэфлекс»
Фатаграфічная прэмія прысуджаецца ў дзвюх намінацыях:

• Дакументальная фатаграфія
• Арт-фатаграфія

Журы складзе лонг-ліст з дванаццаці дакументальных і арт-фотапраектаў ды шорт-ліст — з шасці. Працы з шорт-ліста ўвойдуць у каталог прэміі ды выставу (папярэдне, адбудзецца ў чэрвені 2017 года ў мінскай прасторы ЦЭХ). Таксама адзін з праектаў у кожнай намінацыі атрымае Гран-пры. Найлепшыя аўтары будуць мець магчымасць наведаць адну з міжнародных фатаграфічных падзеяў: фестываль, майстар-клас ці партфоліа-рэвю (фармат прызу вызначыць аргкамітэт па выніках конкурсу).
Умовы
На конкурс ад беларускіх фатографаў (у тым ліку калектываў фатографаў) прымаюцца фотапраекты, скончаныя ці ўпершыню апублікаваныя напрыканцы 2015-га (лістапад, снежань) — у 2016 годзе. Кожная серыя можа складацца максімум з 20 здымкаў. У кожную намінацыю магчыма падаць неабмежаваную колькасць праектаў.

Для дакументальных праектаў ЗАБАРАНЯЕЦЦА істотнае ўмяшанне ў фотаздымак: фотамантаж, візуальныя эфекты, рамкі і лагатыпы на выяве.
Дасылка праектаў
Праекты прымаюцца да 7 красавіка ўключна на email: prafota@gmail.com.

Разам з фотаздымкамі абавязкова трэба даслаць кароткія біяграфічныя звесткі пра сябе/калектыў аўтараў і кантактныя дадзеныя (пошта, тэлефон).
Тэхнічныя патрабаванні да фотаздымкаў
— Фотаздымкі павінны мець пашырэнне 72 dpi, памер 1200 пікселяў па доўгім баку.
— Кожны фотаздымак мусіць быць захаваны як асобны JPEG.
— Для каляровых фотаздымкаў рэкамендуецца AdobeRGB ці sRGB, для чорна-белых — Gamma 2.2. Фармат CMYK не прымаецца.
— Exif фотаздымка мае быць захаваны.
— У filе info кожнага здымку павінен быць падрабязны подпіс.
— Да кожнага праекту мусіць прыкладацца тэкставы файл з падрабязным апісаннем праекту на дзвюх мовах: рускай або беларускай і англійскай.
— Імя файлу мусіць складацца з намінацыі, скарочанай назвы серыі і нумару файлу: да прыкладу, art_name1.jpg.
— Назвы файлаў павінны быць напісаныя лацінкаю.
Аўтарскія правы
Фатограф гарантуе, што ён аўтар фатаграфічнага матэрыялу, прапанаванага ад ягонага/ейнага імя на конкурс. У выпадку спрэчных пытанняў арганізатары конкурсу запытваюць доказы аўтарства.

Аргкамітэт пакідае за сабой права выключыць усе працы аўтара з ліку конкурсных ці прызавых у выпадку, калі выявяцца факты парушэння аўтарскіх правоў. Рашэнне аб выключэнні працаў прымае аргкамітэт конкурсу. Прынятае рашэнне не абскарджваецца.

Фатограф мусіць быць адзіным праваўладальнікам ці мусіць падаць пісьмовую згоду (дазвол) праваўладальніка на выкарыстанне матэрыялу.

Дасылаючы фатаграфіі, аўтар пагаджаецца з умовамі конкурсу, а таксама з тым, што гэтыя фатаграфіі могуць быць выкарыстаныя арганізатарамі для публікацыі ў друкаваным ці электронным выглядзе ў мэтах прамоцыі конкурсу ў любым фармаце (інтэрнэт-выданні, друкаваныя выданні, СМІ, паліграфічная прадукцыя і г. д.) без выплаты якой-кольвек узнагароды.
У склад журы ўвайшлі:
Ганна Шпакава
Cтаршыня журы
Ганна Шпакава, прадзюсарка, куратарка, фотарэдактарка. Выпускніца Маскоўскага дзяржаўнага ўніверсітэту ім. М. Ламаносава. Працавала ў часопісах «Афиша», «Огонёк», «Сноб», фотадырэктаркаю агенцтва «РИА Новости». Выкладае ў школе фатаграфіі і мультымедыя ім. Родчанкі, Масква. Куратарка выставаў у Расіі і за межамі, камісар Расіі на фотабіенале Photoquai 2011 у Парыжы. Фіналістка конкурсу POY 2013 у намінацыі «Найлепшая газета» («Московские Новости»). Куратарка і фотарэдактарка мультымедыйнага праекту «Грозны: 9 гарадоў», уладальніца ўзнагароды для ваенных журналістаў Prix Bayeux-Calvados у намінацыі «Ўэб-журналістыка» (2014).
Сяргей Шабохін
Сяргей Шабохін, беларускі мастак, куратар, крытык, заснавальнік і галоўны рэдактар парталу пра сучаснае беларускае мастацтва Art Aktivist (artaktivist.org), сузаснавальнік даследчай платформы беларускага сучаснага мастацтва Kalektar і галоўны рэдактар парталу kalektar.org.
Гэнрык Кастэнскаў
Henrik Kastenskov
Гэнрык Кастэнскаў, фотажурналіст, незалежны мультымедыяпрадзюсар, дырэктар фестывалю Crossover Web Documentary. Шмат працаваў у Лацінскай Амерыцы, на Балканах і Сярэднім Усходзе, дакументуючы вынікі вайны і беднасці людзей, якія аказаліся на мяжы галечы.

Працы творцы неаднаразова перамагалі на дацкім конкурсе POY, Гэнрык атрымліваў прызы на NPPA як фатограф і прадзюсар. Таксама працаваў у якасці стажора ў Morgenavisen Jylands-Posten і штатным фатографам у 24 Timer.

Разам з сябрам і калегам Поўлам Мадсэнам Гэнрык Кастэнскаў заснаваў Bombay Flying Club, міжнароднае агенцтва, якое спецыялізуецца на стварэнні праектаў у жанры сторытэлінгу і цесна звязанае з фотажурналістыкаю. За гады свайго існавання агенцтва супрацоўнічала з самымі рознымі НДА, інстытуцыямі медыяў і журналістыкі ды заслужыла аўтарытэт піянераў у галіне сучаснай візуальнай журналістыкі.
Прысвечана Стэнлі Грыну
Стэнлі Грын
Фотажурналіст, заснавальнік агенцтва NOOR, лаўрэат шматлікіх прэміяў у галіне фатаграфіі.
Нарадзіўся ў 1949 годзе ў Нью-Ёрку. Яшчэ дзіцем быў удзельнікам «Чорных пантэраў» і актыўна выступаў супраць вайны ў В'етнаме. Быў адным з заснавальнікаў SF Camerawork — выставачнай прасторы авангарднай фатаграфіі. Фатаграфічную адукацыю атрымаў у Школе візуальных мастацтваў у Нью-Ёрку і ў Image Works, Кеймбрыдж (штат Масачусэтс, ЗША). Пасля сустрэчы з Ю. Смітам пачаў займацца фотажурналістыкаю. Здымаў для часопісаў, працаваў штатным фатографам у Newsday (Нью-Ёрк)

Адная з самых вядомых ягоных працаў — дакументаванне вайны ў Чачэніі — знайшла адлюстраванне ў кнізе «Адкрытая рана» (выдавецтва Trolley) у 2003. У 2006 г. Стэнлі Грын атрымаў стыпендыю Katrina Media Fellowship ад Open Society Institute, а ў 2010 годзе, у супрацы з Кадырам ван Лёгёйзэнам, арганізаваў перасоўную выставу аб выніках урагану Катрын. У 2009 г. выйшла ягоная кніга «Чорны пашпарт» (выдавецтва Schilt Publishing), якая ў 2011 г. атрымала залатую ўзнагароду Deutscher Fotobuchpreis.

Стэнлі Грын — лаўрэат пяці ўзнагародаў конкурсу World Press Photo, лаўрэат Міжнароднага гранту імя Юджына Сміта і гранту Getty Images у галіне рэдактарскай фатаграфіі за праект аб электронным смецці. Стэнлі Грын жыў і працаваў у Нью-Ёрку і  Парыжы.

Памёр 19-га траўня. Улетку ў Менску меўся адбыцца ягоны варкшоп для беларускіх фотажурналістаў.